WANANCHI WA WILAYA YA SAME WAKUMBUSHWA KUSHIKA LESEN ZA MADINI ILI KUNUFAIKA NA GYPSUM..


Mkuu wa wilaya ya Same mkoa Kilimanjaro, Rosemary Senyamule (wa tatu kushoto) akishirikiana na Wananchi wa kata ya Bendera wilayani Same kufeka barabara jana wakati alipofanya ziara katika kata hiyo kusikiliza kero za wananchi.

                                                            SAME



MKUU wa wilaya ya Same mkoani Kilimanjaro, Rosemary Senyamule amewakumbusha wananchi wa wilaya hiyo kushika leseni za madini na kuanza kuchimba Gypsum kutoka na kubainika kuwa Gypsum inayopatika Same inaubora mkubwa kuliko maeneo mengine.

Senyamule alitoa kauli hiyo jana wakati akizungumza katika mkutano wa hadhara uliofanyika kata ya Bendera ikiwa ni mwendelezo wa kusikiliza kero za wananchi katika wilaya hiyo ambapo alisema kuwa imebainika Gypsum inayopatikana wilaya ya Same inaubora mkubwa.

Alisema kuwa, Wananchi wa wilaya hiyo wanapaswa kuanza kuomba leseni za madini zitakazowaruhusu kuchimba Gypsum na kuondokana na tatizo la ajili ambalo limekuwa tatizo kwa vijana wengi.

“Tunatambua kuwa vijana wamekuwa wakilalamika kwa kukosa ajira sasa vijana wa same neema imekuja hivyo tunapaswa kuichangamkia kwa kuomba leseni ya madini na kuanza kunufaika na uchimbaji wa Gypsum” alisema Senyamule.

Aidha mkuu huyo wa wilaya aliuagiza uongozi wa kata hiyo kushirikiana kwa pamoja kutenga eneo lenye madini hayo kwa ajili ya vijana hali itakayopunguza tatizo la ajira.

Senyamule alisema kuwa, atakaa na idara ya madini ili waweze kwenda kuwapa elimu wananchi juu ya taratibu za kupata leseni za uchimbaji lengo likiwa ni kuhakikisha kuwa hawacheleweshwi katika kupata leseni hiyo. 

Mkuu huyo wa wilaya alisikitishwa na tatizo la mgao wa maji ya Umwagiliaji ambalo lililalamikiwa na wananchi wa kata hiyo, na kutoa maagizo kwa wataalamu kumpa majibu ndani ya wiki mbili kuhusiana na mgao huo huku akiwataka kuhakikisha wanamaliza tatizo hilo ili wananchi waendelee na shughuli za kujipatia kipato.

Katika hatua nyingine alisikitishwa kusikia lipo tatizo la Wanafunzi kubakwa ambalo lilimkera na mara baada ya kutajiwa mtu anayehusika kuwafanyia wanafunzi kitendo hicho aliamuru jeshi la Polisi kumkamata na kumfungulia kesi haraka huku pia akiondoka na wanafunzi wa kike wapatao wanne waliofanyiwa kitendo hicho cha ukatili.

Pia aliwaasa viongozi wa kata kutowachelewesha wananchi kwenye maendeleo na badala yake washirikiane kwa pamoja bila kujali itikadi ya vyama kwani maendeleo hayana chama.

Katika ziara hiyo ambayo mkuu huyo wa wilaya aliongozana na wataalama mbalimbali toka halmashauri walishirikiana na wananchi kufanya usafi katika barabara.

Mwisho………..

Maoni

Chapisha Maoni

Machapisho maarufu kutoka blogu hii

Ufahamu ugonjwa wa Ngiri ( Hernia) kiundani zaidi

Picha
    Ngiri au Hernia ni aina ya ugonjwa ambao unampata mtu baada ya misuli au kuta za tishu mwilini zinazoshikiria au kubeba viungo (organs) fulani mwilini kupoteza uimara wake au kuwa na uwazi (Opening) na hivyo kusababisha viungo hivyo kutoshikiriwa ipasavyo katika sehemu vinapostahili kuwepo. Katika mwili wa binadamu, maeneo ambayo tatizo hili hutokea mara kwa mara ni maeneo ya tumboni, katika eneo la kinena, eneo la paja kwa juu na pia ngiri inaweza kutokea katika eneo ambalo mtu alifanyiwa upasuaji (operesheni). Lakini kumbuka ya kwamba tatizo la ngiri huweza kumpata mtu yeyote. Miongoni mwa vitu vinavyoweza kumsababisha mtu apate ugonjwa wa ngiri ni: Kuwa na uzito mkubwa wa mwili au kuongezeka uzito kwa ghafla, kazi ya kubeba au kunyanyua vitu vizito, tatizo la kukohoa au kupiga chafya kwa muda mrefu, ujauzito au matatizo yanayojitokeza kwa mwanamke wakati wa kujifungua pia kuharisha au kuvimbiwa (Constipation). Vitu hivyo pamoja na mtu ku...
Endelea kusoma

Mama ajifungua mapacha wenye baba tofauti

Picha
  Katika hali ya kushangaza huko nchini Uganda, wanaume wawili na watu wengine wamejikuta kwenye mshangao baada ya kukuta wote wawili ni baba wazazi wa watoto wawili mapacha. Inaelezwa kuwa wanaume hao waliingia kwenye mgogoro siku za hivi karibuni kila mtu aking’ang’ania kuwa baba mzazi wa mapacha hao, na ndipo walipoamua kwenda hospitali ili kupima kipimo cha DNA. Hatahivyo matokea ya daktari yalionesha kuwa wanaume hao wote wawili ni baba halali wa mtoto mmoja wa mapacha hao, yaani kila mmoja ana mtoto mmoja kati ya mapacha hao. Inaeelezwa kuwa wanaume hao Joseph Baseka Sengendo, 25, na Patrick Ssegane, 30, wamezaa na Rashida Nakabugo, ambapo Sengendo anatajwa kuwa mume wa ndoa wa mwanamke huyo. Wanaume hao wanasemekana kuwa ni ndugu.
Endelea kusoma

UVCCM SIHA YAZINDUA KAMPENI YA KUGAWA TAULO ZA KIKE KATIKA SHULE ZA MSINGI NA SEKONDARI

Picha
                                                              SIHA MWENYEKITI WA WA UMOJA WA VIJANA WA CHAMA CHA MAPINDUZI  (UVCCM) WILAYA YA SIHA WILSON MUSHI UMOJA wa Vijana wa Chama cha Mapinduzi (UVCCM), wilayani Siha mkoani Kilimanjaro wameanza kampeni maalum ya kugawa taulo za kike katika shule za msingi na sekondari wilayani humo yenye lengo la kuhakikisha wananfunzi wa kike waliofikia katika umri wa kuvunja ungo wanashiriki masomo katika kipindi chote wanapofikia katika siku zao za hedhi. Kampeni hiyo iliyozinduliwa jana na Mwenyekiti wa Uvccm wilaya ya Siha, Wilson Mushi alisema kuwa, katika utafiti uliofanywa mwaka 2014 wilayani humo kulibainika kuwa asilimia 82 ya wanafunzi wa kike wamekuwa wakikosa masomo pindi wanapokuwa katika si...
Endelea kusoma