WAHITIMU WA KIDATO CHA SITA WATAKIWA KUJIEPUSHA NA SIASA CHAFU

                                                                    MOSHI.

MGENI RASMI KATIKA MAHAFALI YA KIDATO CHA SITA KATIKA SHULE YA SEKONDARI YA MAWENZI, MWENYEKITI WA JUMUIYA YA WAZAZI MKOA WA KILIMANJARO, DAUDI MRINDOKO (katikati), AKIWA NA MKUU WA SHULE YA SEKONDARI YA MAWENZI  CHRISTINE SHIRIMA (kushoto), NA KULIA NI MWENYEKITI WA BODI YA SHULE HIYO PROFESA CHAMBO.


WAHITIMU wa kidato cha sita mwaka 2018, nchini wameshauriwa kuacha tabia ya kufanya siasa chafu pamoja na biashara haramu ya madawa ya kulevya na badala yake watumie elimu waliyoipata katika kushirikiana na Serikali kuleta maendeleo.

Kauli hiyo ilitolewa jana na Mwenyekiti wa Jumuiya ya Wazazi ya CCM mkoa wa Kilimanjaro, Daudi Mrindoko katika mahafali ya 26 ya kidato cha sita katika shule ya sekondari ya Mawenzi iliyopo manispaa ya Moshi mkoani Kilimanjaro ambapo jumla ya wanafunzi wa kike 229 wanahitimu.

Mrindoko alisema kuwa, wapo baadhi ya watanzania wamekuwa wakieneza siasa chafu (maji taka), huku wakitambua kuwa zinaweza kuvuruga amani ya nchi iliyodumu kwa muda mrefu na kusababisha machafuko.

“Natambua kuwa mnahitimu elimu yenu ya kidato cha sita na kurejea majumbani kusubiria matokeo niwasihi kuhakikisha msije kujiingiza katika siasa chafu na kupelekea kupoteza amani yetu bali mtumie elimu mliyoipataka katika kushirikiana na Serikali kuleta maendeleo” alisema Mrindoko.

WAHITIMU WA KIDATO CHA SITA KATIKA SHULE YA SEKONDARI YA MAWENZI.

 Mwenyekiti huyo pia aliwahusia wanafunzi hao, kuzingatia maadili wawapo majumbani na kuepuka kushawishiwa na watu wasio na maadili na kupelekea kuharibu maisha yao ya badae.

Awali akisoma risala ya shule kwa mgeni rasmi, mkuu wa shule ya Mawenzi, Christine Shirima alisema kuwa, shule hiyo inakabiliwa na changamoto mbalimbali ikiwamo upungufu mkubwa wa nyumba za watumishi kwani shule hiyo inanyumba saba huku hali ya idadi ya watumishi ikiwa ni 82.

Shirima alisema kuwa, changamoto nyingine ni uhaba wa vitabu katika masomo ya uchumi na hisabati, bwalo la chakula ni dogo  hivyo inawalazimu wanafunzi kula chakula chini ya miti, madarasani na mabwenini.

“Changamoto nyingine inayotukabili ni kutokukamilika kwa uzio wa shule kutokana na uhaba wa fedha, lakini pia shule haina muuguzi (nesi) na hali hii inasababisha wanafunzi kupoteza muda mwingi kufuatilia matibabu kwani hata wale ambao wangeweza kupata huduma ya kwanza na kuendelea na masomo wanashinda hospitali siku nzima kusubiria matibabu” alisema Shirima.

Akizungumzia swala la ufauli, Mkuu huyo wa shule alisema kuwa shule hiyo imekuwa ikifanya vizuri katika mitihani ya kitaifa ya kidato cha sita ambapo mwaka 2014 ufauli kwa daraja la kwanza hadi la tatu ulikuwa kwa asilimia 95.6. huku mwaka 2015 ukiwa kwa asilimia 97.1, na mwaka 2016 pamoja na 2017 ufaulu ulikuwa kwa asilimia 100.

Wakisoma risali ya wahitimu  kwa mgeni rasmi, walisema kuwa miongongoni mwa changamoto wanazokabiliana nazo ni baadhi ya miundombinu ya shule ni mibovu ikiwemo mifumo ya vyoo ndani ya mabweni na kupelekea vyoo vingine kutotumika hali ambayo imekuwa ikisababisha usumbufu na msongamano katika bafu na vyoo vya nje.

Shule hiyo imekuwa ikipokea michepua ya HGL, HGK, HKL na HGE kwa wanafunzi wa kike pekee ambapo ni miongoni mwa shule ambazo zimekuwa zikifanya vizuri kitaifa.










                                                                               
                                                                                                                                                        MWISHO.

Maoni

Chapisha Maoni

Machapisho maarufu kutoka blogu hii

Ufahamu ugonjwa wa Ngiri ( Hernia) kiundani zaidi

Picha
    Ngiri au Hernia ni aina ya ugonjwa ambao unampata mtu baada ya misuli au kuta za tishu mwilini zinazoshikiria au kubeba viungo (organs) fulani mwilini kupoteza uimara wake au kuwa na uwazi (Opening) na hivyo kusababisha viungo hivyo kutoshikiriwa ipasavyo katika sehemu vinapostahili kuwepo. Katika mwili wa binadamu, maeneo ambayo tatizo hili hutokea mara kwa mara ni maeneo ya tumboni, katika eneo la kinena, eneo la paja kwa juu na pia ngiri inaweza kutokea katika eneo ambalo mtu alifanyiwa upasuaji (operesheni). Lakini kumbuka ya kwamba tatizo la ngiri huweza kumpata mtu yeyote. Miongoni mwa vitu vinavyoweza kumsababisha mtu apate ugonjwa wa ngiri ni: Kuwa na uzito mkubwa wa mwili au kuongezeka uzito kwa ghafla, kazi ya kubeba au kunyanyua vitu vizito, tatizo la kukohoa au kupiga chafya kwa muda mrefu, ujauzito au matatizo yanayojitokeza kwa mwanamke wakati wa kujifungua pia kuharisha au kuvimbiwa (Constipation). Vitu hivyo pamoja na mtu ku...
Endelea kusoma

Mama ajifungua mapacha wenye baba tofauti

Picha
  Katika hali ya kushangaza huko nchini Uganda, wanaume wawili na watu wengine wamejikuta kwenye mshangao baada ya kukuta wote wawili ni baba wazazi wa watoto wawili mapacha. Inaelezwa kuwa wanaume hao waliingia kwenye mgogoro siku za hivi karibuni kila mtu aking’ang’ania kuwa baba mzazi wa mapacha hao, na ndipo walipoamua kwenda hospitali ili kupima kipimo cha DNA. Hatahivyo matokea ya daktari yalionesha kuwa wanaume hao wote wawili ni baba halali wa mtoto mmoja wa mapacha hao, yaani kila mmoja ana mtoto mmoja kati ya mapacha hao. Inaeelezwa kuwa wanaume hao Joseph Baseka Sengendo, 25, na Patrick Ssegane, 30, wamezaa na Rashida Nakabugo, ambapo Sengendo anatajwa kuwa mume wa ndoa wa mwanamke huyo. Wanaume hao wanasemekana kuwa ni ndugu.
Endelea kusoma

UVCCM SIHA YAZINDUA KAMPENI YA KUGAWA TAULO ZA KIKE KATIKA SHULE ZA MSINGI NA SEKONDARI

Picha
                                                              SIHA MWENYEKITI WA WA UMOJA WA VIJANA WA CHAMA CHA MAPINDUZI  (UVCCM) WILAYA YA SIHA WILSON MUSHI UMOJA wa Vijana wa Chama cha Mapinduzi (UVCCM), wilayani Siha mkoani Kilimanjaro wameanza kampeni maalum ya kugawa taulo za kike katika shule za msingi na sekondari wilayani humo yenye lengo la kuhakikisha wananfunzi wa kike waliofikia katika umri wa kuvunja ungo wanashiriki masomo katika kipindi chote wanapofikia katika siku zao za hedhi. Kampeni hiyo iliyozinduliwa jana na Mwenyekiti wa Uvccm wilaya ya Siha, Wilson Mushi alisema kuwa, katika utafiti uliofanywa mwaka 2014 wilayani humo kulibainika kuwa asilimia 82 ya wanafunzi wa kike wamekuwa wakikosa masomo pindi wanapokuwa katika si...
Endelea kusoma