WAZIRI KAIRUKI AWAFUNDA WANANCHI WANAOCHUKUA MIKOP

                         SAME.                         

WAZIRI WA MADINI ANGELLAH KAIRUKI (WA TATU KUSHOTO) AKIWA KATIKA PICHA YA PAMOJA NA VIONGOZI NA WANACHAMA WA CHAMA CHA USHIRIKA WA AKIBA NA MIKOPO CHA WALIMU SAME SACCOS. 

WAZIRI wa Madini, Angellah Kairuki amewataka wananchi wanaokopa fedha katika taasisi mbalimbali kuwa makini na kusoma na kuelewa mikataba inayotolewa na taasisi hizo kabla ya kuchukua mkopo ili kuepuka kubebeshwa mzigo mkubwa wa riba.

Waziri Kairuki alitoa wito huo mwishoni mwa wiki katika mkutano mkuu wa 19 wa chama cha Ushirika wa Akiba na Mikopo cha Walimu Same Saccos iliyopo wilayani Same mkoani Kilimanjaro.

Alisema kuwa, zipo baadhi ya taasisi ambazo zimekuwa zikitoa mikopo kwa wananchi kwa lengo la kuwakwamua kiuchumi badala yake zimekuwa zikiwakandamiza kupitia mikataba yao hali ambayo hupelekea mkopo kugeuka kama utumwa.

Waziri huyo alisema kuwa, Serikali ilipoasisi vyama vya kuweka na kukopa fedha ilikuwa na lengo la kuwakomboa Watanzania wote bila kusumbuliwa na kwa masharti madogo.

"Lengo la kukopeshwa kwa mwananchi ni ili kumuinua kiuchumi na sio kumkomoa kupitia mikataba migumu ambapo wananchi wengi wamekuwa hawapo makini katika kusoma mikataba na kuielewa vizuri na hatima yake ni kusumbuana katika marejesho" alisema Kairuki.

Waziri huyo aliwataka viongozi wa chama hicho cha Ushirika kuwa waaminifu na kuepuka kuwa na ubadhirifu wa fedha za chama ili kuwa na saccos iliyobora na kupelekea wanachama kujiunga kwa wingi.

Kairuki alisema hatua iliyochukuliwa na uongozi wa chama hicho kupunguza riba ya mkopo kwa asilimia 2 kutoka asilimia 18 hadi kufikia asilimia 16 ni jambo litakaloleta tija kwa walimu ambao ni wanachama kukopa mikopo kwa wingi na kuwataka viongozi hao kuona umuhimu wa kupunguza zaidi riba hiyo na kufikia asilimia 12 ili kuendana na ushindani na taasisi zingine za kifedha.

Aidha Waziri huyo aliwataka wanachama watakaokopa fedha kutambua kuwa fedha hizo zinatakiwa kurejeshwa kwa wakati na kuwataka kuepuka kukopa fedha na kuzifanyia shughuli zisizozalisha kwani itapelekea kuwa mzigo mkubwa katika marejesho.

Awali akisoma taarifa ya chama hicho, Mwenyekiti wa Bodi, Omari Mchome alisema kuwa, chama hicho chenye jumla ya wanachama 1533 inakabiliwa na changamoto mbalimbali kama ucheleweshwaji wa makato ya fedha za marejesho ya mkopo ya kila mwezi kutoka kwa mwajiri, wanachama kutotumia fursa ya kukopa saccos ipasavyo.


Mchome alisema kuwa, changamoto nyingine ni baadhi ya wanachama waliochukua mikopo kutorejesha mikopo hiyo kwa mujibu wa mkataba wa marejesho ulivyowekwa pamoja na baadhi ya wanachama kusimamishiwa mishahara kwa shida za utumishi.

"Wapi baadhi ya wanachama wanaasasi zaidi ya moja za kifedha zinazowahudumia na kushindwa kutumia fursa kikamilifu katika chama chao pia wapo baadhi ya wanachama wamehama wilaya na wengine kustaafu wakiwa bado wanadaiwa" alisema Mchome.

Mwisho

Maoni

Chapisha Maoni

Machapisho maarufu kutoka blogu hii

Ufahamu ugonjwa wa Ngiri ( Hernia) kiundani zaidi

Picha
    Ngiri au Hernia ni aina ya ugonjwa ambao unampata mtu baada ya misuli au kuta za tishu mwilini zinazoshikiria au kubeba viungo (organs) fulani mwilini kupoteza uimara wake au kuwa na uwazi (Opening) na hivyo kusababisha viungo hivyo kutoshikiriwa ipasavyo katika sehemu vinapostahili kuwepo. Katika mwili wa binadamu, maeneo ambayo tatizo hili hutokea mara kwa mara ni maeneo ya tumboni, katika eneo la kinena, eneo la paja kwa juu na pia ngiri inaweza kutokea katika eneo ambalo mtu alifanyiwa upasuaji (operesheni). Lakini kumbuka ya kwamba tatizo la ngiri huweza kumpata mtu yeyote. Miongoni mwa vitu vinavyoweza kumsababisha mtu apate ugonjwa wa ngiri ni: Kuwa na uzito mkubwa wa mwili au kuongezeka uzito kwa ghafla, kazi ya kubeba au kunyanyua vitu vizito, tatizo la kukohoa au kupiga chafya kwa muda mrefu, ujauzito au matatizo yanayojitokeza kwa mwanamke wakati wa kujifungua pia kuharisha au kuvimbiwa (Constipation). Vitu hivyo pamoja na mtu ku...
Endelea kusoma

Mama ajifungua mapacha wenye baba tofauti

Picha
  Katika hali ya kushangaza huko nchini Uganda, wanaume wawili na watu wengine wamejikuta kwenye mshangao baada ya kukuta wote wawili ni baba wazazi wa watoto wawili mapacha. Inaelezwa kuwa wanaume hao waliingia kwenye mgogoro siku za hivi karibuni kila mtu aking’ang’ania kuwa baba mzazi wa mapacha hao, na ndipo walipoamua kwenda hospitali ili kupima kipimo cha DNA. Hatahivyo matokea ya daktari yalionesha kuwa wanaume hao wote wawili ni baba halali wa mtoto mmoja wa mapacha hao, yaani kila mmoja ana mtoto mmoja kati ya mapacha hao. Inaeelezwa kuwa wanaume hao Joseph Baseka Sengendo, 25, na Patrick Ssegane, 30, wamezaa na Rashida Nakabugo, ambapo Sengendo anatajwa kuwa mume wa ndoa wa mwanamke huyo. Wanaume hao wanasemekana kuwa ni ndugu.
Endelea kusoma

UVCCM SIHA YAZINDUA KAMPENI YA KUGAWA TAULO ZA KIKE KATIKA SHULE ZA MSINGI NA SEKONDARI

Picha
                                                              SIHA MWENYEKITI WA WA UMOJA WA VIJANA WA CHAMA CHA MAPINDUZI  (UVCCM) WILAYA YA SIHA WILSON MUSHI UMOJA wa Vijana wa Chama cha Mapinduzi (UVCCM), wilayani Siha mkoani Kilimanjaro wameanza kampeni maalum ya kugawa taulo za kike katika shule za msingi na sekondari wilayani humo yenye lengo la kuhakikisha wananfunzi wa kike waliofikia katika umri wa kuvunja ungo wanashiriki masomo katika kipindi chote wanapofikia katika siku zao za hedhi. Kampeni hiyo iliyozinduliwa jana na Mwenyekiti wa Uvccm wilaya ya Siha, Wilson Mushi alisema kuwa, katika utafiti uliofanywa mwaka 2014 wilayani humo kulibainika kuwa asilimia 82 ya wanafunzi wa kike wamekuwa wakikosa masomo pindi wanapokuwa katika si...
Endelea kusoma